...ÆМÆ ХÆДЗАРЫ ÆФСИНТÆ ДÆР

6 марта 2020

Кæд раджы заман сылгоймагæн аргъ кодтой йе гъдау, й æ б æ с то н д з и н а д æ м æ с ы г ъ д æ гд з и н а д ы , х æ д за р ы куыстытæм дæсныдзинады тыххæй, уæд абон уыцы домæнтæ къаддæр нæ, фæлæ фылдæр фесты.

Абоны чызджытæ бæллынц райсын профессионалон дæсныйад дæр, æмæ сын æнтысгæ дæр кæны – ахуырад æмæ медицинæйы, аивад æмæ спорты, экономикæ æмæ финансты. Уæдæ нæм ис бирæ сгуыхт сылгоймаг-разамонджытæ, æхсæнадон архайджытæ дæр. «Карьерæ» кæй хонынц, уымæ бæлгæйæ чызджыты айрох вæййы, æрдзæй сын цы нысайнаг ис, уый: мой скæнын, лæггад кæнын бинонтæн, цотæй мыггаг фылдæр кæнын, хæдзары æфсин суæвын. Фæнды мæ, цæмæй ирон сылгоймаджы кад – куыд бинойнаджы, мады, æфсины – уа бæрзонддæр. Мæздæджы районы кæд ирон бинонтæ бирæ нæ цæры, уæддæр дзы раппæлинæгтæ ис.

Дыгургомæй ралидзгæ бинонтæ дыууæ æнусы размæ Уæрæсейы паддзахады фæрцы æрцардысты Терчы былты быдираг зæххытыл. Фыццаг Черноярскæйы хъæуы («Дзæрæсте» йæ хонынц, раздæр æй хуыдтой «Осетинская» дæр). Уымæй цалдæр азы фæстæ та сæвзæрд æндæр хъæу – Ново-Осетинская («Мæсуггъæу»). Рагон мыггæгты байзæддæгтæй дзы бирæтæ нал ис – революцитæ, хæстытæ æмæ æндæр аххосæгты тыххæй. Абон дзы дыгуримæ цæрынц кæсæг дæр, туркæгтæ дæр, Хуссар Ирæй ралидзæг адæм дæр, уырыс дæр. Се скъолатæ сты æрмæст 9-æм къласы онг, æмæ кæстæртæ аивылынц сæ райгуырæн хъæутæй хæрзæрыгонæй. Черноярскæйы скъолайы разамонæг Къибирты Людмилæ æмæ Ново-Осетинскæйы скъолайы директор Бузарты Эвелинæ, сæ къух куыд амоны, афтæ архайынц кæстæр фæлтæримæ.

Æ н æ з и в æ г æ й к у с ы н ц и р о н æвзаджы ахуыргæнджытæ Хуытъиаты Альбинæ æмæ Бадриты Фатимæ. Алкæй тыххæй дæр дзы зæгъæн ис арфæйы ныхæстæ. Фæлæ ацы æрмæджы мæ зæрды ис радзурын дигорайаг Бадриты Казбечы чызг, Гæцъунаты чындз Фатимæйы тыххæй. У историйы ахуыргæнæг, фæлæ бахъуаджы рæстæг райста ирон æвзаджы ахуыргæнæджы дæсныйад дæр. Ново- Осетинскæйы ахуырдзаутæ 60-йæ фылдæр не сты; ирон æвзаг барвæндонæй чи равзæрста, уыдон та – ноджы къаддæр. Фæлæ Фатимæ сабиты афтæ сразæнгард кæны, æмæ фæцархайынц алы конкурсты, ерысты, бæрæгбонты концертты. Йæхæдæг семæ зарджытæ дæр сахуыр кæны, æмдзæвгæтæ дæр, кæфтытæ дæр. Арæх æм цæуынц районы ахуыргæнджытæ гом уроктæм.

Æрæджы та нæ бахъуыд национ телеуынынады равдыстæн равзарын ирон хъæуты æфсинты, кæцытæ фос дæр дарынц, ирон хæринæгтæ кæнынмæ дæр дæсны сты. Æмæ та Фатимæйы «хал схаудта»: дуцгæ хъуццытæ дары, цыхт ахсы ахсæнæй, мисын дæр сцæгъды æмæ дзы нæлхæ дæр сисы. Уæдæ уæливыхтæ кæнынмæ дæр дæсны у. Фæлæ сæйрагдæр та йе фсармдзинадæй рæсугъд у. Мæхи фæлтæрдджын æфсин Гобеты Ларисæйæ раздæр куыд фæкæнон, зæгъгæ, телеуынынады аивадон къордимæ сæ архайд рахастой Гобеты хæдзармæ. Скъолайы сæргълæууæг Бузарты Эвелинæ дæр, хъæуыхицау Владимир Андреев дæр сæм фæкастысты. Уыйадыл национ телеуынынады амонæг Браты Камиллæйы (уыимæ та – телевизормæ кæсджыты дæр) æнтыстджынæй базонгæ кодтой, ирон сылгоймæгтæ хъæууон хæдзары куыд æфсиниуæг кæнынц, уыимæ.

Хъæуы хистæртæ Масыхъоты Алыксандр, Анатолий Бобриков æмæ Иуанеты Анатолий сын сæ фынгыл æвæрд уæливыхтæй Хуыцауы ном ссардтой. Арфæйаг ут кæддæриддæр, хæдзары æфсинтæ, сыгъзæрин мадæлтæ!

БÆЗЫТЫ Л.

(Современные требования к женщине очень высокие – она должна быть и профессионалом, иматерью, и хозяйкой в доме, и т.д. О Фатиме Бадриевой – учительнице осетинского языка Ново-Осетинской ООШ).

Закрыть
Сообщение об ошибке
Отправьте нам сообщение. Мы исправим ошибку в кратчайшие сроки.
Расположение ошибки: .

Текст ошибки:
Комментарий или отзыв о сайте:
Отправить captcha
Введите код: *